Ur εad tessineḍ takatalant?

  

Ur tessineḍ ma ɣef ad tlemdeḍ takatalant?

Takatalant d tutlayt n Tegzirin Balyars ugar n 800 isegassen aya fell-as. Rnu d tutlayt tunṣibt ɣer tama n tutlayt tasbenyult. Di Balyars ɣur-neɣ azref ad nissin tutlayt takatalant d useddu ines di yal tagwnit d yal taɣult.

Amur ameqqran n ugdud issawal s tutlayt-a, ugar n medden fehmen-tt. Tutlayt takatalant tga tutlayt n yal ass gar yemdanen, ama di twuri, ama deg imukan yecban tinmal neɣ iɣerbazen, tadbelt, d yeɣmisen s umata...

Tutlayt takatalant tella daɣen di tamiwin iḍen, ugar n mraw imelyunen n yemdanen i tt-yessawalen.

S ulmad d usiwel n tutlayt takatalant nezmer:

  • Ad nadef di tmetti i d aɣ-isnubgten.
  • Ad aɣ-tettunefk tegwnit ad nissin idles d wansayen n tmurt i deg nettidir imir-a.
  • Ad aɣ-rezment tewwura n twuri, ad d-tennulfu tiddukla gar-aɣ d tmetti.
  • Ad neggar tamuɣli di tɣuri n warraw-nneɣ.

 

Triḍ ad tlemmdeḍ takatalant?

 

  • Iberdan yellan i ulmad n tkatalant

Deg assaɣ-a tzemreḍ ad teẓreḍ anemmal n ttawilat i ulmad n tkatalant seg Tegzirin Balyars. Ad tafeḍ ineɣmisen ɣef allalen tettnadiḍ, timsirin, tinmal, iselkimen, azeṭṭa (internet), atg.

 

  • A l’abast. Amsiwel amenzu s tutlayt takatalant

A l’abast d imassen imuggen i yemdanen ur nessawal takatalant yettnadin ad issinen tutlayt d yidles n Tegzirin Balyars. Deg-s kra n twinas n yal ass s tutlayt takatalant, d imeslayen iḥerfiyen n tmeddurt n yal ass. Ur yelli d tamsirt n tkatalant : d timlilit tamezwarut d tutlayt-a i ulmad ines ugar.

A l’abast s PDF.

Deg A l’abast deg uzeṭṭa. Tzemreḍ ad tesfeldeḍ i yeḍrisen s tutlayt takatalant yellan deg unemmal n umsiwel amenzu A l’abast.

 

  • Mallorcat

Mallorcat d taqamit n ulmad-iman n tutlayt takatalant. S tɣawsa-a tzemreḍ ad tlemdeḍ amawal s tewlafin, tzemreḍ ad tezreḍ amek ttwarun wawalen, tzemreḍ daɣen ad sen-tesleḍ amek ttwanṭaqen.

 

  • Maó en català. Tamsirt tamenzut n tkatalant

Taẓrigt-a deg-s amsiwel gar yemdanen, deg-s daɣen amawal n tmeddurt n yal ass n temdint n Mahun. Deg-s daɣen kra n isallen n tmeddurt d ulmad n tutlayt takatalant i win iran ad yidir di temdint-a. Tzemreḍ ad tadfeḍ s wassaɣ-a.

 

  • Ep! Escolta i parla! Ep! Sefled tsiwleḍ!

D tamsirt timawit i tifrat n tlufa n tmeddurt n yal ass s tkatalant, deg-s tiwlafin, iḍebsiyen i usefled, tibidyutin, d wuraren. Tzemreḍ ad tadfeḍ da.